《先知》觀後感

琴晚電視冇乜節目睇，就同老豆講我部電腦有部科幻懸疑片，佢就話一齊睇咯。。我又嫌部手提屏幕細喔，米折騰咗半日拆咗連接電腦顯示器同主機果條乜乜線來連接我部手提同電視。。。哇哇。。因爲部電視都算大，好鬼有家庭影院嘅感覺，就係費事插音響，純粹靠手提個內置音響，所以冇乜音效，真系遺憾。。

《先知》系尼古拉斯.凱奇09年嘅大作，特效好好。。~！好震撼下。。電影講述美國某小學喺1959年校慶上讓學校每位小朋友畫一副心目中嘅50年後地球嘅樣，跟住放喺一個密閉容器度（片入邊叫時間膠囊），埋入地下，五十年後挖翻出來。其中有個女仔lucinda喺張畫紙度寫咗好多好多數字，滿滿一頁紙。五十年後，個時間膠囊被挖出來，小學生caleb摞咗lucinda嘅果張“畫”翻屋企。caleb個老豆鬼死咁聰明咁發現張紙上所有數字同過去五十年內發生嘅中大災難入邊嘅日期，死亡人數，事發地點經緯度系一致嘅。。。剩翻3組數字，即系即將發生嘅災難。。。於是，男主角caleb嘅老豆(尼古拉斯)就想去挽救張“畫”中預示的世界末日。。。

部電影拍得好好，氣氛好足，睇到我好肉緊，背景音樂營造出來嘅氣氛好正。。不過睇完《2012》，再睇哩部《先知》，就會發現佢嘅世界末日真系比唔上《2012》咯，結尾雖然都繫有新嘅希望（嘅寓意），但繫好假，冇乜可能實現，我覺得《2012》個諾亞方舟比較有科學根據d。。嘻嘻